Bu ilin ilk ayında Azərbaycana toplam dəyəri 91.49 min dollar olan 39.06 ton nar idxal olunub. 

Valyuta.Az-ın əldə etdiyi məlumata əsasən, eyni dövrdə Azərbaycandan toplamda 2 mln. 278.03 min ton nar ixrac olunub və bu ixracdan 2 mln. 14.74 min dollar gəlir əldə olunub.  

İdxal olunan narın 1 kiloqramının ortalama qiyməti 3 manat 98 qəpik, ixrac olunan narın 1 kq-nin ortalama qiyməti isə 1 manat 50 qəpik olub. 

Məlumata əsasən, idxal Rusiya, İran İslam Respublikası və Türkiyədən, ixrac isə Rusiya, Ukrayna, Gürcüstan və Səudiyyə Ərəbistanına olub. 

Sözügedən dövrdə Rusiyadan 28.14 ton idxal, 2 mln. 196.8 min ton nar ixracı olub. Bundan əlavə, İran İslam Respublikasından və Türkiyədən isə ayrı-ayrılıqda 2.62 ton nar idxal olunub. 

Apardığımız hesablamalara əsasən, narın 1 kiloqramı Rusiyadan təxminən 4 manat 73 qəpiyə, İran İslam Respublikasından 2 manat 4 qəpiyə, Türkiyədən isə 6 manat 46 qəpiyə gətirilib. 

İxrac məlumatlarına gəldikdə isə cari ilin I ayında Azərbaycandan Rusiyaya 2 mln. 196.8 min ton, Ukraynaya 34.6 ton, Gürcüstana 46.49 ton, Səudiyyə Ərəbistanına isə 0.14 ton (140 kq) nar ixrac olunub. 

İxracdan əldə olunan gəlirlər isə müvafiq olaraq 1 mln. 942.47 min dollar, 33.58 min dollar, 36.32 min dollar və 2.37 min dollar olub.

Yəni, narın 1 kiloqramı Rusiyaya təxminən 1 manat 50 qəpiyə, Ukraynaya 1 manat 64 qəpiyə, Gürcüstana 1 manat 33 qəpiyə, Səudiyyə Ərəbistanına isə 28 manat 78 qəpiyə satılıb. 

Rəhim