2025-ci ilin yanvar ayında Azərbaycana 6 ölkədən toplamda 6 tondan artıq donuz konservası idxal olunub. 

Valyuta.Az xəbər verir ki, bunun 0.44 tonu donuz ətinin budlarından, 0.1 tonu donun ətinin kürək hissəsindən 5.86 tonu isə donuz ətinin digər hissələrindən hazır və ya konservləşdirilmiş məhsullar təşkil edib. 

Hesablamalarımıza görə idxal olunan bu məhsulların 1 kq-nin təxmini ortalama qiyməti müvafiq olaraq 11 manat 80 qəpik, 11 manat 5 qəpik, 11 manat 98 qəpik təşkil edib.

Budlardan hazır və ya konservləşdirilmiş məhsullar Belarus, Rusiya, Almaniya və İtaliyadan idxal olunub. Ən çox isə Belarusdan (0.28 ton) idxal olunub və 1 kq-nin qiyməti təxmini 11 manat 29 qəpik olub.

Donuzun kürək hissəsindən hazır və ya konservləşdirilmiş məhsullar Belarus, İtaliya və Lüksemburqdan idxal olunub və burda da ən böyük ixracatçı Belarus olub. 0.08 ton (80 kq) həcmində idxal olunan məhsulun 1 kq-nin qiyməti təxminən 11 manat 47 qəpik olub. 

Donuz ətinin digər hissələrindən hazır və ya konservləşdirilmiş məhsulların idxal olunduğu ölkələrin də siyahısına Belarus başçılıq edir. Belə ki, bu ölkədən 1 kq-si təxminən 9 manat 60 qəpikdən 3.52 ton məhsul idxal olunub. 

Digər ölkələr isə Rusiya, İspaniya və İtaliya olub. Rusiyadan 1 kq-si təxminən 9 manatdan 24 qəpiyə 1.82 ton, İspaniyadan 1 kq-si təxminən 29 manat 92 qəpiyə 0.1 ton (100 kq), İtaliyadan isə 1 kq-si təxminən 39 manat 46 qəpiyə 0.42 ton (420 kq) məhsul idxal olunub. 

Rəhim