Yanvar ayında Azərbaycana turizm məqsədilə səfər edən turistlər arasında kişilər üstünlük təşkil edib.

Valyuta.az xəbər verir ki, ümumilikdə 1 318 kişi turist ölkəmizə səfər edib ki, bu da turizm məqsədilə gələnlərin 69%-ni təşkil edir. Qadın turistlərin sayı isə nisbətən az olub – 593 nəfər və ümumi turistlərin 31%-i.

Statistikaya əsasən, Azərbaycana ən çox səfər edənlər 36-45 yaş aralığında olan turistlər olub. Bu yaş kateqoriyasına aid 736 nəfər ölkəyə səfər edib ki, bu da digər yaş qrupları ilə müqayisədə ən yüksək göstəricidir. 36-45 yaş aralığındakı turistləri isə 26-35 yaş arasında olan qonaqlar izləyib – onların sayı 392 nəfər təşkil edib. 46-55 yaş aralığında olan turistlərin sayı isə 359 nəfər olub.

Daha az nümayəndəsi olan yaş qruplarına baxdıqda isə, 17 yaşında olan yalnız 32 nəfər turist Azərbaycana səfər edib. Ən az ziyarət edən yaş kateqoriyalarından biri də 66 yaş və yuxarı şəxslər olub – bu yaş aralığında cəmi 30 nəfər turist ölkəyə gəlib.