1 yanvar 2025-ci il tarixinə Azərbaycanın daxili dövlət borcu 18 mlrd. 659,7 mln. manat təşkil edib. 

Valyuta.Az bu barədə Maliyyə Nazirliyindən məlumat əldə edib.

Məlumata əsasən, 2024-cü ilin əvvəli ilə müqayisədə 2 mlrd. 793,3 mln. manat daha çoxdu. 

Daxili dövlət borcunun 9 mlrd. 506 mln. manatı dövriyyədə olan dövlət qiymətli kağızlarının, 9 mlrd. 153,7 mln. manatı isə hökumətin üzərinə götürdüyü dövlət zəmanətli öhdəliklərinin payına düşür. 

Dövriyyədə olan 9 mlrd. 506 mln. manat məbləğində dövlət qiymətli kağızlarının 17,5 %-i 1 illik,  72,4 %-i 2 və 3 illik, 10,1 %-i isə 5 il və daha artıq müddətli  qiymətli kağızlarının payına düşür.

Dövlət zəmanətli borcun 72,2 %-i 5 ilə qədər olan müddətdə, 16,4 %-i 5 ildən 10 ilə qədər olan müddətdə, 11,4 %-i isə 10 ildən yuxarı olan müddətdə kreditorlara qaytarılmalıdır.

2024-cü ildə daxili dövlət borcu ÜDM-in 14,8 %-ni təşkil edib. 2022-ci ildə isə ölkənin daxili dövlət borcu ÜDM-in 3,1 % təşkil edib. 

2018 və 2019-cu illərdə daxili dövlət borcu ÜDM-in 1.7 %-ni, 2020-ci ildə 2.7 %-ni, 2021-ci ildə 3.3 %-ni, 2023-cü ildə 12,9 %-ni təşkil edib. 

Qeyd edək ki, 2020-ci ildə 1.9 mlrd. manat, 2021-ci ildə 3.1 mlrd. manat, 2022-ci ildə daxili dövlət borcu 4.2 mlrd. manat, 2023-cü ildə 15.9 mlrd. manat olub. 

Rəhim