“Bank Avrasiya” ASC-nin 2024-cü ilin IV rüb mənfəəti 3 mln. 929.98 min manata düşüb. 

Valyuta.Az bankın maliyyə hesabatına istinadən xəbər verir ki, bu 2023-cü ilin mvafiq dövrü ilə müqayisədə 2.6 mln. manat daha azdır. həmin dövrdə bank 3 mln. 929.98 min manat mənfəət açıqlamışdı.

Bundan əlavə bankın faiz gəlirlərində də yarım mln. manatdan çox azalma müşahidə olunub. Belə ki, faiz gəlirləri əvvəlki ilin müvafiq dövrü ilə müqayisədə azalaraq 15 mln. 780.71 min manatdan 15 mln. 113.80 min manata düşüb.

Faiz xərclərində azalma qeydə alınsa da, qeyri-faiz xərclərində artım qeydə alınıb. Bankın faiz xərcləri 3 mln. 128.30 min manatdan 2 mln. 271.56 min manata düşsədə, qeyri-faiz xərcləri 8 mln. 424.38 min manatdan 8 mln. 818.05 min manata yüksəlib. 

Alınan haqq və kommisiya gəlirində isə böyük azalma baş verib. Belə ki, 2023-cü ilin müvafiq dövründə 2 mln. 25.61 min manat olan bu göstərici 2024-cü ilin eyni dövründə 786.69 min manata düşüb.

Verilmiş istehlak kreditləri 15 mln. 474.82 min manatdan 14 mln. 507.15 min manata, biznes kreditləri isə 66 mln. 214.49 min manatdan 62 mln. 479.99 min manata düşüb. 

Bankın öhdəlikləri isə 104 mln. 99.43 min manatdan 116 mln. 332.99 min manata yüksəlib. 

Onu da əlavə edək ki, sözügedən dövrün sonuna pul vəsaitləri və pul vəsaitlərinin ekvivalentləri 30 mln. 766.72 min manatdan 28 mln. 228.63 min manata düşüb. 

Rəhim