ABŞ prezidenti Donald Tramp martın 15-də Florida iqamətgahı Mar-a-Laqoda 1 milyon dollar dəyərində şəxsi şam yeməyi verib. Qonaqlar arasında milyarder və tərəfdaşı İlon Mask da olub. 

Valyuta.az xəbər verir ki, bu barədə WIRED jurnalı tədbirdən foto və videolara istinadən məlumat yayıb.

Nahar "MAGA Inc" (Make America Great Again Inc.) siyasi komitəsi tərəfindən təşkil olunub. Bu təşkilat Trampın 2024-cü il prezidentlik kampaniyasını dəstəkləyib. Nəşr dəvətlilərə istinadla bildirir ki, prezident tədbirdə yalnız xüsusi qonaq kimi iştirak edib.

Yeməkdə Mask da iştirak edib. Onunla birlikdə 4 uşağının anası, "Neuralink"in rəhbəri Siobhan Zilis də məclisə qatılıb.

WIRED qeyd edir ki, martın 15-də baş tutan bu xüsusi şam yeməyi Trampın cədvəlində olmayıb. Ağ Ev hələlik bu məlumatı şərh etməyib.

Paşa Məmmədli