Bu ilin yanvar-fevral aylarında Azərbaycanda 1 540 ədəd stolüstü kompüter istehsal edilib. 

Valyuta.az Dövlət Statistika Komitəsinə istinadən xəbər verir ki, bu, ötən ilin müvafiq dövrü ilə müqayisədə 1 114 ədəd və ya 3,6 dəfə çoxdur. 

Ötən ilin eyni dövründə 426 ədəd stolüstü kompüter istehsal edilib. 

Hesabat dövründə istehsal olunan noutbuklar sayı 652 ədəd olub ki, bu da illik müqayisədə 132 ədəd, yaxud da 1,20 dəfə azdır. Ötən ilin eyni dövründə 784 ədəd noutbuk istehsal edilib. 

Ümumilikdə kompüter, elektron və optik məhsulların, elektrik avadanlıqlarının istehsalı sahələrində bu ilin yanvar-fevral aylarında 35,3 milyon manatlıq məhsul istehsal olunub. 

Qeyd edilib ki, əvvəlki ilin müvafiq dövrü ilə müqayisədə kompüter, elektron və optik
məhsulların istehsalı 27,8 faiz, elektrik avadanlıqlarının istehsalı 5,2 faiz artıb. 

Dövr ərzində məişət soyuducuları və dondurucularının istehsalı 40,0 faiz, ölçmə cihazlarının istehsalı 38,8 faiz, digər elektrik naqillərinin istehsalı 34,8 faiz, elektrik tənzimləyici cihazlarının istehsalı isə 20,4 faiz artıb.

Maya Hüseynova