Fevral ayı üzrə qeyri-neft məhsullarının ixrac olunduğu əsas ölkələrin adları açıqlanıb. 

Valyuta.az rəsmi statistik mənbələrə əsasən xəbər verir ki, ötən ay Azərbaycan 484 milyon 994 min ABŞ dolları dəyərində qeyri-neft məhsullarının ixracını həyata keçirib. Keçən ilin eyni dövründə bu göstərici 455 milyon 26 min ABŞ dolları olub. Hesablamalar onu deməyə əsas verir ki, qeyri-neft məhsullarının ixracından əldə olunan gəlir 29 milyon 968 min ABŞ dolları dəyərində artıb. 

Ölkələr arasında ixracda birinci yeri 150 milyon 794 min ABŞ dolları və yaxud 31.09% dəyərlə Rusiya yer alıb. İkinci sıra 82 milyon 803 min ABŞ  dolları ilə Türkiyənin payına düşüb. Qeyd olunan göstərici ümumi ixracın 17.07%-i təşkil edib. 3-cü sırada qonşu ölkələrdən Gürcüstan gəlir. Belə ki, ümumi ixracın 10.92%-i təşkil etməklə, 52 milyon 949 min ABŞ doları dəyərində qeyri-neft məhsulları Gürcüstana ixrac olunub. 

4-cü sırada ümumi ixracın 8.99%-i olmaqla 43 milyon 622 min ABŞ dolları İsveçrənin, 8.49%-lik göstərici və ya  41 milyon 182 min ABŞ dolları Ukraynanın, 11 milyon 973 min ABŞ dolları 2.47%-lə Qazaxıstanın payına düşüb. Qeyri-neft məhsullarının ixrac olunduğu ölkələr sırasında 7-ci sırada Belarusiya gəlir. Azərbaycan bu ölkəyə 10 milyon 726 min ABŞ dolları dəyərində ixrac təşkil edib və bu ümümi ixracın 2,21%-i təşkil edir.

Amerika Birləşmiş Ştatlarına 2.12%-lə 10 milyon 263 min ABŞ dolları dəyərində qeyri-neft məhsuları ixrac olunub. Yaxın göstəriclər İsrail üzrə də qeydə alınıb. Belə ki, İsrailə 2.08%-lə 10 milyon 66 min ABŞ dolları dəyərində qeyri-neft məhsullarının ixracı həyata keçirlib. Ən sonda isə Almaniya qeyd olunub, ümumi ixracın 1.73%-i təşkil etməklə 8 milyon 382 min ABŞ dolları dəyərində ixrac həyata keçirilib. 

Sərvanə Rəmixanova