Bu ilin fevral ayında xarici ticarət dövriyyəsi 8 milyard 904 milyon 490 min ABŞ dolları olub.

Valyuta.az Dövlət Gömrük Komitəsinə istinadən xəbər verir ki, xarici ticarət dövriyyəsinin 4 milyard 766 milyon 470 min ABŞ dolları ixracın, 4 milyard 138 milyon 20 min ABŞ dolları isə idxalın payına düşüb. Statistika göstərir ki, faizlə hesabladıqda 53% ixrac, 46% idxal təşkil edir.

Ötən ilin eyni dövründə isə xarici ticarət dövriyyəsi 7 milyard 226 milyon 608 min ABŞ dolları olub. Bu o deməkdir ki, ötən ilin eyni dövrü ilə müqayisədə bu ilin fevral ayı üzrə xarici ticarət dövriyyəsi 1 milyard 677 milyon 882 min ABŞ dolları artıb. 

Bu hesabın 4 milyard 779 milyon 971 min ixrac, 2 milyard 446 milyon 637 min ABŞ dolları isə idxal təşkil edib. Ötən ilin eyni dövründə faizlə ixrac 66%, idxal isə 33% olub. İllik müqayisədə bu ilin fevral ayında  xaric ticarət dövriyyəsi üzrə ixrac 13% azalıb, idxal isə 13% artıb.

Sərvanə Rəmixanova