"UBS" ("UBSG.S") bankının baş direktoru Serxio Ermottinin (Sergio Ermotti) 2024-cü il üçün maaş paketi 15 milyon İsveçrə frankını (təxminən 17 milyon dollar) ötüb. 

Valyuta.Az xəbər verir ki, bu barədə İsveçrənin "Blick" qəzeti məlumat yayıb.

Bu məbləğ Ermottinin 2023-cü ildə doqquz aylıq fəaliyyəti üçün aldığı 14,4 milyon İsveçrə frankından çoxdur. O, həmin il "UBS"yə qayıdaraq bankın "Credit Suisse" ilə birləşməsinə rəhbərlik edib. "UBS" həmin bankı həmin ilin mart ayında almışdı.  

Bu, Ermottini 2023-cü ildə Avropanın aparıcı bankları arasında ən yüksək maaş alan rəhbər edib.  

"UBS" keçmiş rəqibini cəmi 3 milyard İsveçrə frankına satın almışdı. Dövlətin vasitəçiliyi ilə həyata keçirilən bu saziş, vaxtilə nüfuzlu olan "Credit Suisse" bankının bir sıra qalmaqallardan sonra çökməsi nəticəsində baş tutmuşdu.  

Bank bazar ertəsi 2024-cü ilin tam illik hesabatını açıqlayacaq. Hesabatda Ermottinin əməkhaqqı ilə bağlı ətraflı məlumatın yer alacağı gözlənilir.  

Rəhim