"NVIDIA" 26 yanvar 2025-ci il tarixində başa çatan IV rüb üzrə 39,3 milyard dollar gəlir əldə etdiyini açıqlayıb.

Valyuta.Az xəbər verir ki, bu göstərici əvvəlki rüblə müqayisədə 12%, ötən ilin müvafiq dövrü ilə müqayisədə isə 78% artım deməkdir.  

Hesabat dövründə GAAP metodu ilə hesablanmış hər səhmə düşən mənfəət 0,89 dollar olub ki, bu da əvvəlki rübdən 14%, ötən ilin eyni dövründən isə 82% çoxdur. Qeyri-GAAP metoduna əsasən isə bu göstərici 0,89 dollar təşkil edib ki, bu da əvvəlki rüblə müqayisədə 10%, illik müqayisədə isə 71% artım deməkdir.  

2025-ci maliyyə ili üzrə ümumi gəlir  proqnozu 130,5 milyard dollar olub və bu, ötən illə müqayisədə 114% artım deməkdir. GAAP metodu ilə hesablanmış hər səhmə düşən mənfəət 2,94 dollar, qeyri-GAAP metodu ilə isə 2,99 dollar olub. Bu göstəricilər ötən illə müqayisədə müvafiq olaraq 147% və 130% artım nümayiş etdirib.  

"NVIDIA"nın təsisçisi və baş icraçı direktoru Censen Xuanaq bildirib: ""Blackwell"ə olan tələbat inanılmazdır, çünki süni intellektin məntiqi imkanları genişləndikcə, daha çox hesablama gücü modelləri ağıllı edir və dərin düşünmə imkanlarını artıraraq daha dəqiq cavablar yaradır."  

O, əlavə edib ki, şirkət "Blackwell" süni intellekt superkompüterlərinin genişmiqyaslı istehsalına uğurla başlayıb və artıq ilk rübdə milyardlarla dollar gəlir əldə edib. "Süni intellekt sürətlə inkişaf edir və agent süni intellekt, eləcə də fiziki süni intellekt texnologiyalarının inkişafı, ən böyük sənayeləri dəyişdirəcək yeni dalğanı formalaşdırır."  

Şirkət növbəti rüblük dividend ödənişini hər səhm üçün 0,01 dollar məbləğində 2 aprel 2025-ci il tarixində həyata keçirəcək. Bu dividendlər 12 mart 2025-ci il tarixinə qədər qeydiyyatdan keçmiş bütün səhmdarlara ödəniləcək.  

Rəhim