Azərbaycan Respublikası Qida Təhlükəsizliyi Agentliyinin 2 tenderi ləğv edilib.

Valyuta.Az xəbər verir ki, Agentliyin ləğv edilən tenderləri "yanğınsöndürmə balonlarının doldurulması xidmətlərinin" və "qəzet və jurnallara abunə yazılışı" ilə əlaqədar olub.

Ləğv edilən tenderlər müvqafiq olaraq 2.529,13 AZN və 3.272,50 AZN dəyərində olub.

Qeyd edək ki, I tender satınalmada iştirak etmək üçün təklifi və təklifin təminatını təqdim etmiş, tələb olunduğu halda müvafiq lisenziyaya və ya icazəyə malik olan təchizatçıların sayı üçdən az olması səbəbindən, II tender isə 21 fevral 2025-ci il tarixli AİBNDA/SQ-145/2025 nömrəli qərarına əsasən ləğv edilib. 

Onu da əlavə edək ki, bu gün ləğv edilən tenderlərlə birlikdə 2024-cü ildən bəri Agentliyin toplamda 17 tenderi müxtəlif səbəblərdən doları ləğv edilib.

01.01.2024 tarixindən bəri Agentliyin ləğv edilən tenderləri aşağıdakılardır:

1. 26.01.2024 tarixində “Qida Təhlükəsizliyi Agentliyinin inzibati binalarının və nəqliyyat vasitələrinin dəzinfeksiya edilməsi xidmətləri”nin işlərinin satın alınması;

2. 14.02.2024 tarixində 2024-cü il üzrə qəzet və jurnallara abunə yazılışının satın alınması;

3. 17.04.2024 tarixində müxtəlif növ katriclərin doldurulması xidməti;

4. 16.05.2024 tarixində qidam portalının qurulması, modulların hazırlanması və bir illik texniki dəstək xidmətlərin satın alınması;

5. 02.07.2024 tarixində nümunə götürmək üçün dərman, sarğı ləvazimatlarının satın alınması;

6. 03.07.2024 tarixində AQTA-da və sturuktur bölmələrində olan “şəbəkə, server, kompüter avadanlıqları və proqram təminatları üçün lisenziyaların satın alınması;

7. 15.07.2024  tarixində “AQTA-nın regional bölmələrində monitorinq zamanı istifadə olunan ölçmə vasitələrinin kalibrovka olunması” xidmətinin satın ;

8. 18.07.2024 tarixində mətbəə məhsullarının satın alınması;

9. 20.07.2024 tarixində qidam portalının qurulması, modulların hazırlanması və bir illik texniki dəstək xidmətlərin satın alınması;

10. 29.08.2024 tarixində “AQTA-nın regional bölmələrində monitorinq zamanı istifadə olunan ölçmə vasitələrinin kalibrovka olunması” xidmətinin satın;

11. 06.11.2024 tarixində "Guşələrin yaradılması və bədii tərtibat mallarının" satın alınması;

12. 22.11.2024 tarixində maşın və avadanlıqların satın alınması;

13. 27.11.2024 tarixində yanğınsöndürmə vasitələrinin satın alınması;

14. 09.12.2024 tarixində "Guşələrin yaradılması və bədii tərtibat mallarının" satın alınması;

15. 06.02.2025 tarixində yanğınsöndürmə vasitələrinin satın alınması.

Rəhim