“Atasığorta”nın yığımları 4%-ə yaxın azalıb

24.02.2025 / 15:37

“Atasığorta”nın yığımları 4%-ə yaxın azalıb

65759

Bu ilin yanvar ayında “Atasığorta” şirkətinin yığımlarında azalma müşahidə edilib.

Valyuta.az-ın araşdırmasına görə, ötən ay sığorta şirkəti 977 min manat sığorta yığımı əldə edib. Bu isə ötən ilin eyni dövrünə nisbətən 3,5% azdır.

2024-cü ilin yanvar ayında isə “AtaSığorta” 1 milyon 12 min manat sığorta haqqı toplaya bilmişdi. Sığorta şirkəti ötən ay 359 min manat ödəniş həyata keçirib ki, bu də ötən ilin eyni dövrünə nisbətən 29,1% çoxdur. 2024-cü ilin yanvar ayında “AtaSığorta” 278 min manat sığorta ödənişini həyata keçirmişdi.

Yığımların azalması fonunda ödənişlərin artması sığorta şirkətinin zərərliliyinə, yəni ödəniş-yığım nisbətinə mənfi təsir edib. Şirkət ötən ilin yanvar ayında topladığı hər 100 manatdan 27 manatını ödənişə yönəltmişdirsə, bu ilin eyni dövründə bu rəqəm 37 manata yüksəlib.

Qeyd edək ki, sığorta şirkəti bu ilin ilk ayında yığımları 1 milyon manatdan az olan 4 şirkətdən biri olub.

Xatırladaq ki, “AtaSığorta” 2004-cü ildə yaradılıb. Onun nizamnamə kapitalı 15,95 milyon manatdır. Qanuni təmsilçisi isə şirkətin həm də İdarə Heyətinin sədri Seymur Əli oğlu Əliyevdir.

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.