İsveçin baş naziri Ulf Kristersson deyib ki, Avropa İttifaqı müasir texnologiyaların, xüsusilə də süni intellektin (AI) inkişafında liderlərdən geri qaldığı üçün muzeyə çevrilə bilər.

Valyuta.az bu barədə CNBC-yə istinadən xəbər verir.

“Əgər biz bun vəziyyəti dəyişməsək, Avropa faktiki olaraq dünyanın digər hissələri ilə müqayisədə bir növ muzeyə çevriləcək”, deyə baş nazir bildirib.

Kristersson qeyd edib ki, dünya liderlərinin – ABŞ və Çinin iqtisadiyyatları son 20 ildə Avropa İttifaqının iqtisadiyyatından daha sürətlə inkişaf edib. O, yeni süni intellekt sistemlərinin yaradılmasına imkan vermək üçün Aİ-nin ciddi qanunvericilik bazasının yumşaldılmasına və texnologiyanın daha da inkişafına imkan yaratmaq məqsədilə qaydaların sadələşdirilməsinə çağırıb.

Bir çox aparıcı süni intellekt modelləri gələcək Avropa qanunvericiliyinin kibertəhlükəsizlik və ayrı-seçkilik yaratmayan məlumatların çıxarılması ilə bağlı əsas tələblərinə uyğun gəlmir. Bunu İsveçrənin LatticeFlow AI startapının tədqiqat institutları ilə birgə hazırladığı "LatticeFlow LLM Checker" yeni sınaq sistemi nümayiş etdirib. 

Aİ-nin süni intellekt haqqında qanununa əməl edilməməsi şirkətlər üçün 35 milyon avroya və ya illik qlobal dövriyyənin 7%-nə qədər cərimə ilə nəticələnə bilər.

Paşa Məmmədli