“Güclü süni intellekt sistemləri ilə müqayisədə insanlar üç yaşlı bir uşaq qədər müdafiəsiz olacaq”.

Süni intellektin "ata" larından biri sayılan və bu il apardığı araşdırmaları ilə Nobel Fizika mükafatı qazanan Geoffrey Hinton, gələcək 30 il ərzində bu texnologiyanın insanlığı məhvetmə ehtimalının 10%-dən 20%-ə yüksəldiyini bildirib.

Valyuta.az xəbər verir ki, BBC Radio 4-ün "Today" proqramında çıxış edən Hinton, əvvəllər bu texnologiyanın insanlıq üçün fəlakətlə nəticələnmə ehtimalını 10% olaraq qiymətləndirdiyini xatırladaraq, bu faizi indi 10-20% arasında olduğunu vurğulayıb.

Verilişin qonaqlarından biri, İngiltərənin keçmiş maliyyə naziri Sacid Cavid bu qiymətləndirməni “Siz bu ehtimal faizlərini artırırsınız” deyə şərh edərkən, Hinton isə "Bəli, bu ehtimal bir az da artır. Çünki elə bir vəziyyət olmayıb ki, bizdən daha ağıllı bir şeyə nəzarət edək. Daha ağıllı bir şeyin daha az intellektli bir şey tərəfindən idarə edildiyi çox az nümunə var" deyib.

"İnkişafları əvvəlcədən təxmin etmədim"

Hinton süni intellektin bu qədər sürətlə inkişaf edəcəyini əvvəlcədən təxmin etmədiyini bildirib. O qeyd edib ki, çoxsaylı mütəxəssis gələcək 20 il ərzində insanlardan daha ağıllı süni intellekt sistemləri inkişaf etdirəcəyimizi düşünür. Bu, olduqca qorxulu düşüncədir. 

Süni intellekt sahəsindəki bu sürətli irəliləyişin "çox, çox sürətli" olduğunu söyləyən Hinton, hökumətlərin bu texnologiyanı tənzimləməsi lazım olduğunu müdafiə edib.

Hintonun sözlərinə görə, böyük şirkətlərin yalnız mənfəət motivasiyası ilə hərəkət etməsi, texnologiyanı təhlükəsiz şəkildə inkişaf etdirmələrini təmin etmək üçün kifayət deyil. Bunun yeganə yolu hökumətin nəzarətidir.

Qeyd edək ki, Hinton süni intellekt sahəsində "üç böyük addan" biri kimi tanınır. Digər bir isim olan Yann LeCun isə süni intellektin insanlıq üçün bir təhdid olmaqdan daha çox, insanlığı məhv olmaqdan qurtara biləcəyini müdafiə edərək, bu mövzudakı narahatlıqları paylaşmır.

Davud