Ötən ilin dekabr ayının sonuna olan məlumata görə, Azərbaycanda 25 min 363 nəfər bank işçisi var.

Valyuta.az Mərkəzi Banka istinadən xəbər verir ki, bu, əvvəlki ilin eyni dövrünə olan məlumatla müqayisədə 1 794 nəfər və ya 7,6 faiz çoxdur. 2023-cü ilin dekabrın sonuna olan məlumata görə, Azərbaycandakı bank işçilərinin sayı 23 min 569 nəfər olub.

Ötən il Azərbaycanda bank filiallarının sayı 485 olub ki, bu da, illik müqayisədə 10 filial və ya 2,1 faiz çoxdur. 

Bank ATM-lərinin sayı isə 190 vahid və ya 6,2 faiz artaraq 3 min 230 ədədə çatıb. 2023-cü ilin sonunda bu say 3 min 40 ədəd idi.

Əvəz Həsənov