ABŞ-ın "App Store" cədvəllərinin zirvəsinə yüksələn məşhur "DeepSeek" proqramı yeni istifadəçilərin qeydiyyatını müvəqqəti olaraq dayandırıb. 

Valyuta.az xidmətin səhifəsinə istinadən xəbər verir ki, "DeepSeek" xidmətlərinə genişmiqyaslı zərərli hücumlar səbəbindən qeydiyyat məhdudlaşdırılıb. Hücumların mahiyyəti ilə bağlı təfərrüatlar açıqlanmayıb. 

"DeepSeek" mövcud istifadəçilərin heç bir məhdudiyyət olmadan öz hesablarına daxil ola biləcəyini bildirib. "DeepSeek"in veb-qeydiyyat səhifəsində istifadəçiləri daha sonra yenidən cəhd etməyə çağıran mümkün yüksək yük haqqında mesaj göstərilir.

Bu gün səhər saatlarında "DeepSeek" həm daxil olmağa, həm də yeni hesablar yaratmağa mane olan qəzalar və performans problemləri barədə məlumat verib. Şirkətdən bildirilib ki, bu problemlər həll olunub. Əvvəllər güman edilirdi ki, sistemin həddən artıq yüklənməsi "OpenAI"nin "ChatGPT" və "Anthropic's Claude" kimi Qərb analoqlarına rəqib olduğu deyilən proqramı sınaqdan keçirmək istəyən yeni istifadəçilərin böyük axını ilə əlaqədardır.

Paşa Məmmədli