Ötən ilin yekununa olan məlumata görə, Azərbaycanda fəaliyyət göstərən 22 bank arasında ən yüksək kredit portfeli “Beynəlxalq Bank” ASC-yə (ABB) məxsus olub.

Valyuta.Az xəbər verir ki, ötən ilin yekununda ABB tərəfindən verilən kreditlərin həcmi 6 milyard 350,8 milyon manat olub.
ABB son bir ildə kredit portfelini 1 milyard 302 min manat artırıb.

Ən az kredit portfelinə sahib olan bank isə “Bank Melli İran Bakı filialı” olub. Bu bank tərəfindən verilən kreditlərin cəmi məbləği 1,5 milyon manat təşkil edib və son bir ildə 5,2 milyon manat azalıb.

ABB-dən sonra 2024-cü ildə kredit portfelini ən çox artıran banklar “Kapital Bank” və “Paşa Bank” olub. Bu bankların kredit portfeli son bir ildə müvafiq olaraq 939,4 milyon və 467,9 milyon manat artıb.

“Bank Melli İran Bakı filialı”ndan sonra isə cəmi 2 bankın kredit portfeli azalıb. Son bir ildə “Premium Bank”ın kredit portfeli 5,3 milyon, “Bank Avrasiya”nın kredit portfeli isə 1 milyon manat aşağı düşüb.

Cədvəldə bankların son 2 ildəki kredit portfeli əks olunub:

© Yeniavaz.com