“Premium Bank”ın Mərkəzi Bank və dövlət fondları qarşısında öhdəliklərinin həcmi 72 milyon 560 min manat olub.

Valyuta.az banka istinadən xəbər verir ki, bu, 2023-cü ilin sonu ilə müqayisədə 6,9% və ya 4 milyon 746 min manat çoxdur. 2023-cü ilin sonunda bankın Mərkəzi Bank və dövlət fondları qarşısında öhdəliklərinin həcmi 67 milyon 814 min manat olub.

Bankın kredit təşkilatları və digər maliyyə institutları qarşısında öhdəliklərinin həcmi 7 milyon 900 min manat olub ki, bu da 2023-cü ilin sonunda da dəyişməyib.

Bu il oktyabrın 1-nə “Premium Bank”ın aktivləri 650,959 milyon manat olub ki, bu da 1 il əvvələ nisbətən 3,9 % azdır. Bunun 458,831 milyon manatı müştərilərə verilmiş xalis kreditlərdir.

Xatırladaq ki, “Premium Bank” 1993-cü ildə “AZAL Bank” adı ilə yaradılıb, 2008-ci ildə adını “Silk Vey Bank”a dəyişib, 2018-ci ildə isə yenidən rebrendinq edib. Onun nizamnamə kapitalı 154,601 milyon manatdır. Bankın səhmdarları 84,46 % payla Zərifə Həmzəyeva, 15,22 % payla "VIP Aviation Services" MMC və 0,32 % payla Elvira Əhmədovadır.

Nara