Telegram Messenger Inc." qadağan olunmuş məlumatları silmədiyi üçün yenidən inzibati məsuliyyətə cəlb edilib. Messenceri 4 milyon rubla qədər növbəti cərimə gözləyir.

Valyuta.Az "TASS"a istinadən xəbər verir ki, bu barədə Moskvanın "Taganski" məhkəməsinin məlumat bazasında qeyd edilib. Məhkəmə iclası 30 dekabr tarixinə təyin olunub.

"Məsuliyyətə cəlb olunan tərəf: "Telegram Messenger Inc.", Rusiya Federasiyasının İnzibati Xətalar Məcəlləsinin 13.41-ci maddəsinin 2-ci bəndi üzrə. Məhkəmə iclası 30 dekabr 2024-cü il, saat 14:40-da keçiriləcək", - deyə məhkəmənin məlumat bazasında qeyd olunub.

Oktyabr ayının sonunda məlum olmuşdu ki, "Taganski" məhkəməsi "Ural" bölgəsinin Rusiyanın qalan hissəsindən ayrılması çağırışları ilə bağlı olan bəzi kanalları silmədiyinə görə "Telegram"a 4 milyon rubl məbləğində cərimə tətbiq edib. Bu dəfə isə hansı məlumatın silinmədiyi hələlik açıqlanmayıb. 

Qeyd edək ki, Rusiya Federasiyasının İnzibati Xətalar Məcəlləsinin "Telegram" ilə bağlı iddia qaldırdığı maddədə 4 milyon rubla qədər inzibati cərimə nəzərdə tutulur.

Həmçinin bildirək ki, 15 oktyabr tarixində Moskvanın "Taganski" rayon məhkəməsi "Telegram Messenger Inc." təşkilatını Rusiya qanunvericiliyi ilə nəzərdə tutulmuş məlumatın silinməsi tələbinə əməl etmədiyi üçün İnzibati Xətalar Məcəlləsinin 13.41-ci maddəsinin 2-ci bəndinə əsasən təqsirli bilib və 4 milyon rubl məbləğində cərimə edib. Qeyd edək ki, avqust ayında da "Telegram" analoji pozuntuya görə eyni məbləğdə cərimələnmişdi.

Rəhim