"Avropa səhmləri bazarlarına yönələn hedc fondları* oktyabr ayında investorlarına son bir ilin ən böyük itkilərini yaşadıb".

Valyuta.az-ın "Bloomberg"ə istinadən xəbər verir ki, bu sözləri ABŞ-ın məşhur investisiya bankı olan "Goldman Sachs" müştərilərinə göndəriyi bir araşdırmada qeyd edb.

Açıqlamada həmçinin qeyd olunub ki, Avropa səhmlərinə investisiya edən fondlar oktyabr ayında mənfi 2,6%-lik gəlir əldə edib və bu, sentyabr 2023-dən bəri ən böyük aylıq itki deməkdir.

Bölgənin ən geniş Avropa səhmləri indeksi oktyabr ayında, banklar, dərman və biotexnologiya şirkətlərindən gələn müsbət nəticələrin sənaye və enerji şirkətlərindən gələn azalmalarla balanslaşdığı üçüncü rüb qazanc mövsümündə 3,6% azalma göstərib.

Qlobal investorların prezident seçkiləri öncəsi ABŞ səhmlərini almaq üçün Avropa səhmlərini satması ilə Avropalı investorların ilin əvvəlinə nisbətən gəlirləri 5%-ə qədər azalıb; bu isə ABŞ səhmləri bazarları üçün təyin olunan 11,5%-lik artımın yarısından belə az bir səviyyəni ifadə edir.

"Goldman" itkilərin əsasən qaz, elektrik və su şirkətləri kimi ictimai xidmət səhmlərindən qaynaqlandığını bildirib.

*Hedc fond (hedge fund) - investorların pullarını birləşdirən və minimal risklə maksimum gəlir əldə etmək üçün investisiya edən bir investisiya fondudur. 

Rəhim