"X"də artıq blokladığınız insanlar da paylaşımlarınızı görə bilər.

Valyuta.az xəbər verir ki, "X", bloklama funksiyasını dəyişdirən mübahisəli yeniləməni həyata keçirir. Bu yenilik blokladığınız insanların sizin ictimai paylaşımlarınızı görməsinə imkan verir. İnsanlar bu dəyişikliyə etiraz edərək təhlükəsizlik səbəblərinə görə bloklanmış istifadəçilərin paylaşımlarını görmələrini istəmədiklərini bildiriblər.

Bloklanmış istifadəçilər yenə də onları bloklayan şəxsi izləyə, paylaşımlarına reaksiya verə və ya ona mesaj yaza bilməzlər.

"X"-in əvvəlki versiyasının dəstək bölməsində bloklanmış istifadəçilərin, izlənilənlərin və izləyicilərin siyahısına baxa bilmədikləri qeyd olunurdu. Şirkət artıq bu məlumatı səhifədən silib və yeni qaydalara əsasən, bloklanmış istifadəçilər onları bloklayan insanların izlənilənlər və izləyicilər siyahısını da görə bilərlər.

Şirkət bu dəyişikliklə bağlı əsaslandırmalarını blok funksiyasının zərərli və ya şəxsi məlumatları gizlətmək üçün istifadə edilə biləcəyi ilə əlaqələndirib. Lakin bu yanaşma çoxlu tənqidə məruz qalıb, çünki "X" istifadəçilərə hesablarını şəxsi etmək və məlumatlarını qorumaq imkanı verir.

Rəhim