BAKU Azərbaycan
7.03°C
  • USD
    1.7
  • EUR
    1.9245
  • RUB
    2.0345
  • TRY
    0.0447
  • GBP
    2.2136
58792

Şəki şəhəri Nizami Gəncəvi adına 7 nömrəli tam orta məktəbin riyaziyyat müəllimi Nəzakət Bağırova sertifikasiyanın test imtahan mərhələsindən 60, müsahibə mərhələsindən isə 40 bal toplayaraq maksimum nəticə əldə edib.

 Valyuta.az xəbər verir ki, Nəzakət xanım AzEdu.az-ın suallarını cavablandırıb: 

- Nəzakət xanım, sertifikatlaşdırma imtahanından 100 bal toplayan müəllim olaraq sizi təbrik edir, gələcək fəaliyyətinizdə uğurlar arzu edirik. İstəyərdik ki, sizi daha yaxından tanıyaq.

- Əvvəlcə xoş sözləriniz üçün təşəkkür edirəm. Mən, orta təhsilimi Şəki şəhər 7 saylı tam orta məktəbdə almışam. Məzun olduqdan sonra 607 balla Azərbaycan Müəllimlər İnstitutunun Şəki filialının Riyaziyyat-Fizika müəllimliyi ixtisasına qəbul olunub, ali məktəbi fərqlənmə diplomu ilə bitirmişəm. 2009-cu ildən etibarən təhsil aldığım məktəbdə riyaziyyat müəllimi kimi çalışıram.

- Yüksək balla universitetə qəbul olunmusunuz. Çoxları bu balla bölgələrdə yox, paytaxtda oxumağa üstünlük verir. Maraqlıdır, sizin seçiminiz niyə Şəkidən yana oldu?

- Bu ixtisası mənim üçün atam seçib. Əslində həkim olmaq istəyirdim. Amma peşman deyiləm. Bu gün atama minnətdaram.

Riyaziyyatı çox yaxşı bilirdim. Mənə bu fənni sevdirən Şəfəq müəllimim də indi mənimlə birlikdə işləyir. Bununla çox qürur duyuram.

- Nəzakət xanım, sertifikasiya imtahanında maksimum nəticə göstərəcəyinizə inanırdınız?

- Riyaziyyat müəllimləri üçün sertifikasiya imtahanı təyin olunan gündən etibarən, test imtahanı mərhələsindən 60 bal toplamağı qarşıma məqsəd qoymuşdum. Məncə, hər uğurlu işin arxasında ilk növbədə məqsəd və bu məqsədə çatmaq üçün var gücünlə çalışmaq durur. Mən də var gücümlə  çalışmışam. Düzdür, çətin oldu. Ailə ,iş və sertifikasiya hazırlığı bir arada yorucu idi, amma öhdəsindən gəldim. İxtisası (riyaziyyat) 100% yazacağıma əmin idim, ancaq metodika sualları məni qorxudurdu. Biliklərimi gücləndirmək üçün son 3 ayda Gülər Hüseynovanın hazırlığına qoşuldum. Mən həmin müəllimə borcluyam. Onun sayəsində həddən artıq çox  çalışdım.

Bu il uğur qazanmayıb gələn il imtahan verəcək müəllimlərə tövsiyə edirəm ki, özlərinə inansınlar və məqsədlərinə çatmaq üçün çox çalışsınlar.

- Çox gözəl. Bəs, test imtahanı mərhələsindən topladığınız balı görəndə necə hisslər keçirdiniz? 

- Sertifikasiyanın test mərhələsi bitən kimi balımı gördüm. Çox sevindim. Bu balı toplayacağımı ehtimal etsəm də, əmin deyildim. Amma testlərin hamısını bitirdikdən sonra monitorda görünən 60 bal məni qürurlandırdı. Sevincimin həddi-hüdudu yox idi.

Test mərhələsindən sonra müsahibə mərhələsinə hazırlaşmağa başladım. Budəfəki məqsədim də 40 bal idi.

Mənə görə test mərhələsi müsahibə mərhələsinə görə daha asan oldu. Çünki sualı oxuyub üzərində fikirləşmək, cavab bəndlərini götür-qoy etmək şansı var idi. Amma müsahibə mərhələsi daha həyəcanlıydı. Canlı imtahan, sualların haradan veriləcəyi bilinmir, düşünməyə də zaman yox... O zaman həyəcanı boğmaq lazımdır ki, qarşı tərəfə yansımasın. 

Həmçinin, testdən fərqli olaraq müsahibə mərhələsinin cavablarının gec açıqlanması yorucu oldu. 

- Yüksək bal toplayan müəllim kimi tam səmimi olaraq sualların çətinlik səviyyəsini necə qiymətləndirirsiniz?

- Test mərhələsi çox yaxşı keçdi. Suallar asan idi, hətta 40 dəqiqəyə bitirdim. Sadəcə bitir düyməsini sıxmağa cəsarət etmirdim ki, 60 olmasa özümü qınamayım.

Çox gözəl anlar idi. Hazırlıq, istədiyim nəticə, gözəl uğur... Bu anları yaşamaq istəyən hər kəsə nəsib olsun.

- Uğurunuzun sirrini nədə görürsünüz?

- Mənim ən yaxşı cəhətim həyəcanımı idarə etməyi bacarmağım və özümə güvənməyimdir. Fikrimcə, uğurumun sirri bu iki nüansdır.

- Statistikalar göstərir ki, uşaqların humanitar fənləri qavramağı texniki fənlərə nisbətən daha asandır. Bəs, siz öz fənninizi şagirdlərə necə sevdirirsiniz?

- Bir müəllim kimi həmişə çalışmışam ki, şagirdlərim əvvəlcə məni sevsin. Şagird müəllimi sevərsə, ona hörmət qoyarsa, həmin müəllimin tədris etdiyi fənni də sevər. Bacarsa da, bacarmasa da öyrənməyə çalışar.  Müəllim gərək fennini sevgi ilə öyrətsin, riyaziyyat digər fənlərə görə əlbəttə çətindir. Amma həyatda mümkünsüz az şey var. Mümkün etmək üçün istəmək yetərlidir.

Son olaraq, mənə inanan, dəstək olan, motivasiya verən, uğuruma sevinən əzizlərimə, rəhbərliyimə, müəllimlərimə təşəkkür edirəm. İnsanın ətrafında gözəl insanların olması çox mükəmməl hissdir .

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

Azərbaycandan bu ölkəyə neft ixracı 1 ayda 7 dəfə artıb

Azərbaycan daha bir ölkədən qaz idxalına başlayıb

Siqaret yenidən bahalaşdı

Banklardakı əmanət faizlərinin yüksəlmə səbəbi

AYNA-nın 34 milyonluq tenderləri ləğv edildi

İndi qızıl almaq üçün uyğun vaxtdırmı? - Analitiklərin tövsiyələri

Nisyə mal alqı-satqısında yeni qaydalar

Fevralda 4 ölkə Azərbaycandan neft alışını dayandırıb

Metrologiya İnstitutunun 3.3 milyonluq tenderi

Azərbaycandan ABŞ-yə ixrac olunan məhsullar - Siyahı

Azərbaycandan ABŞ-yə ixrac olunan məhsullar - Siyahı

Azərbaycana neft satan ölkələrin sayı artıb

Özəl klinikalarda həkim qəbulunun qiymətləri

Uğur qazanmaq üçün müştəriləri daha yaxşı dinləməyin 10 yolu - SƏHƏR OXUSU

"Tesla" iki modelin satışını dayandırdı

"Yaradıcı Azərbaycan" üçün 3.2 milyon manat

Azərbaycanda ən çox viza bu ölkələrə verilib (SİYAHI)

Neft-qaz sektoruna yönəldilmiş investisiyaların həcmi 20 %-dən çox azalıb

Kiyevə 21 milyard avroluq yeni hərbi dəstək vəd olunub

Azərbaycan-MDB ticarət əlaqələrində 1,5 milyardlıq kəsir

Azərbaycan-MDB ticarət əlaqələrində 1,5 milyardlıq kəsir

"iPhone"ların qiyməti üç dəfə bahalaşa bilər

Əhalinin ən çox pul xərclədiyi sahələr - I rübün statistikası

Məşhur şirkət bütün dünyanı aldadıb: Süni intellekt əvəzinə filippinli işçilər...

Sabah hava dəyişkən buludlu olacaq

Əhalinin dərman və tibbi ləvazimatlara çəkdiyi xərc 9 %-dən çox artıb

"Google Xəritələr" məlumatları artıq "böyük mənzərəni" görməyə imkan verəcək

200 min borcu olan şirkətə İcra Hakimiyyəti 400 minlik sifariş verdi

Neftimizin qiyməti bahalaşıb

AYNA müdirləri üçün təzə kreslolar alır - “Embawood”a 100 minlik sifariş

"City Construction"ın 350 mindən çox borcu var

Bütün xəbərlər

Xəbərin mətnində orfoqrafik səhv var

Qeydinizi daxil edin