Enerji şirkətləri ExxonMobil və Chevron iyul-sentyabr dövrünə dair maliyyə hesabatlarını açıqladı.

Valyuta.az xəbər verir ki, ExxonMobil-in  III rübdə xalis qazancı ötən ilin eyni dövrü ilə müqayisədə 5 faiz azalaraq 8,6 milyard dollara düşüb. 

Enerji nəhənginin keçən ilin III rübündə 2,25 dollar olan səhm başına xalis qazancı bu ilin eyni dövründə 1,92 dollara enib. Şirkətin gəliri də III rübdə 800 milyon dollar azalaraq 90 milyard olub.

ExxonMobil-in qazancı bu dövrdə bazar gözləntilərini üstələsə də, gəliri gözləntilərin altında qaldı.

Chevron-un qazancı da gözləntiləri üstələdi

ABŞ-ın böyük neft istehsalçılarından Chevron-un xalis qazancı isə bu ilin III rübündə keçən ilin eyni dövrü ilə müqayisədə 31 faiz azalaraq 4,5 milyard dollara düşüb. Şirkət keçən ilin eyni dövründə 6,5 milyard dollar qazandıqlarını açıqlamışdı. Chevron-un keçən ilin üçüncü rübündə 3,48 dollar olan səhm başına xalis qazancı bu ilin eyni dövründə 2,48 dollara enib. Şirkətin gəlirlərinə gəldikdə isə, III rübdə gəlirlər 3.4 milyard azalaraq 50,7 milyard dollara enib.

Chevron-un qazancı və gəliri, bu dövrdə qeydə alınan azalmaya baxmayaraq, bazar gözləntilərini üstələdi.

Rəhim