Çin hökumətinin bəzi Avropa ölkələrinin Çin istehsalı elektrik nəqliyyat vasitələrinə əlavə tariflər tətbiq etməsinə qarşı cavabı çox gecikməyib.

Valyuta.Az-ın verdiyi xəbərə görə, hökümət öz avtomobil istehsalçılarına həmin ölkələrdə böyük həcmli investisiyaları dayandırmağı məsləhət görüb. Bu addım, Avropa İttifaqı ilə Çin arasında iqtisadi gərginliyin daha da dərinləşməsinə səbəb ola bilər.

Yeni Avropa İttifaqı tarifləri, elektrik avtomobillərinə 45.3%-ə qədər əlavə vergilərin tətbiqini nəzərdə tutur. Tariflər çərşənbə günü qüvvəyə minib və Aİ-də ciddi fikir ayrılıqlarına səbəb olub.

Bu ay keçirilən səsvermədə, Fransa, Polşa və İtaliya da daxil olmaqla 10 Aİ üzv dövləti tariflərin tətbiqini dəstəkləyib. 5 ölkə, o cümlədən Almaniya, tariflərə qarşı çıxıb, 12 ölkə isə bitərəf qalıb.

Çin Şirkətləri və Yeni Yatırım Planları

Çinin BYD, SAIC və Geely kimi böyük avtomobil istehsalçılarına oktyabrın 10-da keçirilən bir toplantıda tarifləri dəstəkləyən ölkələrdə ağır investisiya planlarını dayandırmaq tövsiyə olunub. Görüşdə iştirak edən bəzi  şirkətlərə isə investisiyalarını bitərəf qalan ölkələrdə ehtiyatla davam etdirmələri, tariflərə qarşı çıxan ölkələrdə isə təşviq etmələri bildirilib. 

Fransa və İtaliyanın Çin Avtomobil Sənayesinə Marağı

Fransa və İtaliya Çin avtomobil istehsalçılarını investisiyaya cəlb etməyə çalışır, lakin eyni zamanda ucuz Çin elektrik avtomobillərinin Avropa istehsalçıları üçün təhlükə yaratdığını qeyd edirlər. Dövlətə məxsus SAIC şirkəti, Avropada yeni bir elektrikli avtomobil zavodunun yerini müəyyənləşdirməkdədir və "MG" markasına olan tələbi ödəmək üçün Fransada ikinci ehtiyyat hissələr mərkəzini açmağı planlaşdırır. 

İtaliya isə Çinin ən böyük avtomobil ixracatçısı olan "Chery" ilə yanaşı "Dongfeng Motor" kimi digər Çin avtomobil istehsalçıları ilə potensial investisiya imkanlarını müzakirə edir.

BYD Şirkətinin Macarıstanda İnvestisiya Planı

Çinli avtomobil istehsalçısı BYD, tariflərə qarşı çıxan Macarıstanda yeni bir zavod inşa edir. Şirkət, həmçinin Avropa qərargahını Niderlanddan Macarıstana köçürməyi planlaşdırır ki, bu da xərclərin optimallaşdırılması məqsədi daşıyır.

Birlikdə Danışıqlar və Yeni Siyasət

Pekin rəsmiləri Çin avtomobil istehsalçılarına Aİ hökumətləri ilə ayrıca investisiya danışıqlarından çəkinməyi, bunun əvəzinə birgə müzakirələrə üstünlük verməyi tövsiyə edib. Bu göstəriş, iyul ayında Çin Ticarət Nazirliyinin Hindistan və Türkiyə kimi ölkələrdə investisiyalardan ehtiyat etməklə bağlı xəbərdarlığından sonra gəlib.

Aydın