Fransada baş vermiş avtomobil qəzasında dörd nəfər həyatını itirib. 

Valyuta.Az YAHOO-ya istinadla xəbər verir ki, yerli polisin verdiyi məlumata görə, Tesla markalı avtomobilin yol nişanına çırpılaraq yanması faciə ilə nəticələnib.

Polis rəsmisi leytenant Erik Hoaronun (Eric Hoarau) bildirdiyinə görə, şənbə gecəsi Niort şəhəri yaxınlığında baş verən qəzanın dəqiq səbəbləri hələlik müəyyən edilməyib və hadisə ilə bağlı araşdırma aparılır.

"İlkin dəlillər avtomobilin yoldan çıxdığını göstərir," – deyə Hoarau bildirib. Hadisə yerindəki izlər və qırılmış yol nişanı buna işarə edir.

O qeyd edib ki, hadisə şahidlərinin olmaması araşdırmanı çətinləşdirir. Sürücü və üç sərnişin yanaraq tanınmaz hala düşüb.

Məsələ ilə bağlı Tesla hələlik rəsmi açıqlama verməyib.