Bu ilin avqust ayının 31-inə olan məlumata görə, Azərbaycanda fəaliyyət göstərən banklar tərəfindən sahibkarlıq subyektlərinə 13 milyard 999.8 milyon manat biznes krediti verilib.

Valyuta.az Mərkəzi Banka istinadən xəbər verir ki, biznes krediti portfeli ötən ilin eyni dövrü ilə müqayisədə 2 milyard 178 milyon manat və ya 18,4 % artıb. Ötən ilin eyni dövründə bankların biznes krediti portfelinin həcmi 11 milyard 821.8 milyon manat olub.

Hesabat dövründə iri sahibkarlıq subyektlərinə 7 milyard 848 milyon manat kredit verilib ki, bu da, illik müqayisədə 2 milyard 536,6 milyon manat və ya 47,8 % çoxdur. Bununla yanaşı, mikro sahibkarlıq subyektlərinə 2 milyard 882,1 milyon manat kredit verilib ki, bu da, illik müqayisədə 585,6 milyon manat və ya 25,5 % çoxdur. Yəni, bu iki sahibkarlıq subyektlərinə verilən kreditlər son bir ildə 3 milyard 470,7 milyon manat azalıb.

Əvəz Həsənov