Bu ilin yanvar-iyul aylarında Azərbaycanda həyat sığortası üzrə 400 milyon 448 min manat sığorta haqqı toplanıb.

Valyuta.az xəbər verir ki, bunlar 2023-cü ilin birinci yarısı ilə müqayisədə müvafiq olaraq 18,3 % və ya 62 milyon 141 min manat çoxdur.

Bu ilin hesabat dövründə ölkədə 293 milyon 517 min manat həyat sığortası üzrə ödənişlər edilib. Bu, 2023-cü ilin müvafiq dövrü ilə müqayisədə 76,5 % və ya 127 milyon 258 min manat çoxdur.

Bu ilin hesabat dövründə həyat sığortasında aid olan həyatın yaşam sığortası üzrə 378 milyon 119 min manat sığorta haqqı toplanıb. Bu da, 2023-cü ilin müvafiq dövrü ilə müqayisədə 58 milyon 556 min manat və ya 18,3 % çoxdur. 

Hesabat dövründə bu istiqamətdə ödənişlərin həcmi 291 milyon 983 min manat olub ki, bu da, 2023-cü ilin hesabat dövrü ilə müqayisədə 77,5 % və ya 126 milyon 550 min manat çoxdur.

Bu ilin hesabat dövründə həyatın ölüm halından sığortası üzrə 17 milyon 456 min manat sığorta haqqı toplanıb ki, bu da 2023-cü ilin müvafiq dövrü ilə müqayisədə 6,7% və ya 1 milyon 100 min manat çoxdur. Həyatın ölüm halından sığortası üzrə ödənişlərinin həcmi isə 1 milyon 260 min manat olub ki, bu da 2023-cü ilin yarım ili ilə müqayisədə 1,5 dəfə və ya 470 min manat çoxdur. 

Həyat sığortasına aid olan əmək qabiliyyətinin sığortası üzrə sığorta ödənişlərinin həcmi ötən ilin müvafiq dövrü ilə müqayisədə bu ilin 6 ayında 122,7% və ya 1 milyon 223 min manat artaraq 2 milyon 219 min manata çatıb.

Nara