"Microsoft" HDR texnologiyasını dəstəkləyərək ekran performansını yaxşılaşdırmalı olan "Windows 11 24H2" yeniləməsini buraxıb, lakin bunun əvəzinə istifadəçilər müxtəlif problemlərlə qarşılaşıblar. 

Valyuta.az xəbər verir ki, bu barədə "MSPoweruser" portalı məlumat yayıb.

Mənbənin sözlərinə görə, yeniləmədən sonra "Reddit" forumunun istifadəçilərindən birinin kompüteri ikinci monitoru əsas kimi seçməyə başlayıb və qurğunun hər dəfə yenidən işə salınmasından sonra parametrləri dəyişdirmək cəhdləri sıfırlanır. Həmçinin, oyunları tam ekran rejimində işlədəndə qara ekran və gecikmə görünür.

"Microsoft" forumunda başqa bir istifadəçi yeniləmədən sonra Alt+Tab istifadə edərək proqramlar arasında keçid zamanı qara ekranla bağlı problemlərin olduğunu bildirib. Hər iki ekran normal vəziyyətə qayıtmazdan əvvəl təxminən 5 saniyə qaranlıq qalır. 

Hələlik problemin həlli yoxdur. Bununla belə, 24H2 istifadəçilərinə sürücüləri yeniləmək, 23H2-yə qayıtmaq və ya "Windows"u yenidən quraşdırmaq tövsiyə olunur. Digər şeylər arasında, kabelləri və displey parametrlərini yoxlamaq və ekran sürücülərini silmək üçün "Display Driver Uninstaller proqramından istifadə etmək üçün məsləhətlər var.

Hazırda "Windows 11 24H2" buraxılışdan əvvəlki mərhələdədir. "Microsoft"un stabil quruluşu buraxmazdan əvvəl bütün məlum səhvləri düzəldəcəyi gözlənilir.

Paşa Məmmədli