Çinin “Huawei” şirkəti dünyanın ilk üç bölməli qatlama smartfonu Mate XT-ni təqdim edib. 

Valyuta.az xəbər verir ki, bu barədə Reuters məlumat yayıb.

Onun sözlərinə görə, təqdimat Şençjenin cənub texnologiya mərkəzində baş tutub. Huawei Direktorlar Şurasının sədri Riçard Yunun (Çin adı - Yu Chengdong) qeyd etdiyi kimi, şirkət artıq beş ildir ki, smartfonun yaradılması üzərində işləyir. O, qırmızı və qara rənglərdə təqdim edilib, ekranın diaqonalı 10,2 düym (25,9 sm), eni isə 3,6 mm-dir. Huawei, bu cür ölçülərlə Mate XT-nin dünyanın ən nazik qatlanan smartfonuna çevrildiyini vurğulayır.

Agentlik qeyd edir ki, Huawei-nin təqdimatı Amerika texnologiya nəhəngi Apple tərəfindən istehsal olunan yeni iPhone 16 smartfonunun buraxılışından bir gün sonra baş tutub. Smartfonun başlanğıc qiyməti təxminən 2,8 min dollar təşkil edir ki, bu da premium iPhone 16 Pro Max-ın gözlənilən qiymətindən təxminən iki dəfə çoxdur. Huawei şirkətinin məlumatına görə, təqdimatdan əvvəl Mate XT üçün əvvəlcədən sifarişlərin sayı 3,6 milyonu ötüb.

Sentyabrın 9-da Apple şirkəti öz smartfonlarının yeni nəslini - dörd modeldən ibarət iPhone 16-nı təqdim edib. Təqdimat şirkətin internet saytında yayımlanıb. Smartfonun qırmızı və qara rənglərdə olacağı gözlənilir. Onun qiyməti açıqlanmayıb; cihazın rəsmi premyerası çərşənbə axşamı baş tutacaq. 

Nicat