"Hakerlər qurbanın qadcetinin avtomatik qoşulduğu etibarlı şəbəkənin klonunu yaradaraq, demək olar ki, istənilən cihazı "Bluetooth" vasitəsilə sındıra bilər".

Valyuta.az xəbər verir ki, bunu "RİA Novosti"yə MTS Web Services şirkətinin kibertəhlükəsizlik üzrə aparıcı analitiki Cəmil Məcidov deyib.

"Bluetooth" vasitəsilə hakerlər demək olar ki, istənilən cihazı, o cümlədən smartfonları, planşetləri və ağıllı ev cihazlarını sındıra bilərlər. Hücumçular yaxınlıqdakı aktiv "Bluetooth" bağlantılarını aşkar etməyə kömək edən xüsusi proqramlardan istifadə edir, həmçinin istifadəçinin cihazının əvvəllər hansı şəbəkələrə qoşulduğunu görə bilirlər", deyə Məcidov qeyd edib.

Belə əlaqələr müəyyən edildikdən sonra hakerlər "Bluetooth" cihazını aldadaraq, istifadəçinin xəbəri olmadan telefonun qoşulacağı saxta etibarlı şəbəkə yarada bilərlər. Mütəxəssis əlavə edib ki, bu cür hücum insana cihazdakı məlumatları ələ keçirməyə, onu və əlaqəli qacetləri idarə etməyə, həmçinin istifadəçinin yerini izləməyə imkan verir. Çox vaxt bu cür hacklər ictimai yerlərdə baş verir, burada təcavüzkarlara yalnız noutbuk, ucuz Bluetooth adapter və xüsusi proqram lazımdır.

Məcidov belə təhlükələrdən qorunmaq üçün ictimai yerlərdə "Bluetooth"u söndürməyi, lazım olmadıqda isə "AirDrop" kimi texnologiyadan istifadə edən məlumat mübadiləsi funksiyalarını söndürməyi tövsiyə edir. Onlar yalnız tanış mənbədən məlumat alarkən aktivləşdirilməlidir.

Güclü parollardan istifadə etmək və naməlum cihazlara qoşulmaqdan çəkinmək də vacibdir. Proqram təminatının müntəzəm yeniləmələri Bluetooth zəifliklərini bağlamağa kömək edəcək. Mütəxəssis proqramlar üçün "Bluetooth"a girişi məhdudlaşdırmağı və görünmə parametrlərini elə tənzimləməyi məsləhət görür ki, cihazı yalnız onun artıq qoşulduğu qadcetlər aşkarlaya bilsin.

"BlueJacking" - qurbanın cihazından yaxınlıqdakı qadcetlərə spam göndərilməsi və "BlueSnarfing" - cihaza qoşulma vasitəsilə şəxsi məlumatların oğurlanması daxil olmaqla, beş növ "Bluetooth" hücumu var.

Paşa Məmmədli