“LEDLINE” MMC-yə İqtisadiyyat Nazirliyi yanında İqtisadi Zonaların İnkişafı Agentliyinin idarəçiliyində olan Ağdam Sənaye Parkının rezidenti statusu verilib.

Valyuta.az Agentliyə istinadən xəbər verir ki, şirkət Parkın 1 hektar ərazisində led işıqların istehsalı müəssisəsi inşa edəcək. Müəssisədə Çin və Türkiyə texnologiyası əsasında 3 növdə led işıqlar istehsal olunacaq.

İnvestisiya dəyəri 4,5 milyon manat olan layihə çərçivəsində 44 nəfərin daimi işlə təmin edilməsi nəzərdə tutulur. Müəssisədə istehsal ediləcək məhsullar daxili bazarın təlabatının ödənilməsinə yönəldiləcək.