Veb-analitika üzrə ixtisaslaşmış "Statcounter" şirkəti "Windows" əməliyyat sisteminin müxtəlif versiyalarının yayılması ilə bağlı statistik məlumatları dərc edib. 

Valyuta.az-ın məlumatına görə, statistika 2024-cü ilin yayında istifadəçilərin fərdi kompüterlərində ən çox hansı "Windows"un olduğunu göstərir.

2024-cü ilin iyul ayında "Windows 11" mühüm mərhələyə çatıb: təxminən üç il əvvəl istifadəyə verildikdən sonra ilk dəfə olaraq ƏS bazar payının 30%-ni keçib. Müqayisə üçün qeyd edək ki, 2023-cü ilin iyulunda “Windows 11”in payı 23,66% təşkil edib.

"Windows 11" inkişaf edərkən, "Windows 10" bazar payını itirir. Bu, hələ də "Microsoft ƏS"li kompüter istifadəçilərinin 65%-nin seçimidir, lakin son bir ayda istifadəçilərin demək olar ki, 2%-ni itirib. Ötən illə müqayisədə dəyişiklik 7% təşkil edir - 2023-cü ilin iyulunda "Windows 10"un payı 72%-ə çatıb.

Artıq dəstəklənməyən "Windows"un digər versiyalarının da öz pərəstişkarları var. Məsələn, "Windows 7" 3.04 bazar payı ilə üçüncü ən populyar "Windows" olaraq qalır. "Windows 8.1" bazarın 0.42%-ni tutur və əfsanəvi "Windows XP" hələ də bütün fərdi kompüterlərin 0.42%-də quraşdırılıb.

Paşa Məmmədli