Cari ilin birinci yarısında Azərbaycan xarici ölkələrə 11 825 660 min kub metr qaz halında olan təbii qaz satıb.

Valyuta.az Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 869 472 min kub metr və ya 7,9 % çoxdur. 2023-cü ilin ilk yarısında bu rəqəm 10 956 188 min kub metr idi.

Hesabat dövründə xaricə satılan qaz halında təbii qazdan əldə olunan gəlir 4 milyard 68 milyon 547 min ABŞ dolları olub ki, bu da illik müqayisədə 3 milyard 960 milyon 641 min ABŞ dolları, yaxud da 49,3 % azdır. Keçən ilin yanvar-iyun aylarında bu məbləğ 8 milyard 29 milyon 188 min ABŞ dolları olub.

Bu dövrdə ixrac olunan qaz halında təbii qaz ümumi ixracın 31,54 %-ni təşkil edib. Bu, ötən ilin müvafiq dövrü ilə müqayisədə 13,15 % azdır. Ötən il bu, 44,69 % olub.

Əvəz Həsənov