“Xiaomi” bəzi telefonlarda yeni versiyanın güncəllənməsini dayandırıb. Smartfonlarına uzunmüddətli yeniləmələr təqdim edən “Xiaomi”, zaman-zaman bəzi modellərinə yeni versiyanı tətbiq etməməyi qərar verib.

Valyuta.az xəbər verir ki, bu günə qədər yüzlərlə “Xiaomi” və “Redmi” seriyalı smartfonlar üçün yeniləmə dəstəyi sona çatsa da, siyahı yeni modellərin buraxılması ilə böyüməyə davam edir. Şirkətin bir vaxtlar məşhur olan telefonlarının çoxu yeni MIUI və Android yeniləmələrini almayacaq.

Dəstəklənməyən “Xiaomi” cihazlarına “Xiaomi Mi 10S”, “Mi 10 Pro”, “Mi 10”, “Mi 10 Ultra” və “Mi 11 Lite 5G” kimi modellər daxildir.  Bu modellər Çin, Avropa və digər bölgələrdə satılan variantları ilə birlikdə daha yeni proqram yeniləmələrini almayacaq.

Dəstək görməyəcək “Redmi” modelləri arasında “Redmi Note 10 Pro”, “Redmi Note 10”, “Redmi Note 10 5G”, “Redmi Note 10T” və “Redmi Note 8” (2021) var.

Bundan əlavə, proqram təminatı dayandırılan cihazlara “Poco” brendi ilə satılan “Poco M3 Pro 5G” də əlavə edilib.

Əvəz Həsənov