Cari ilin birinci yarısında Azərbaycana xarici ölkələrdən 59 min 482 ton miqdarında, 18 milyon 596 min ABŞ dolları dəyərində qarğıdalı gətirilib.

Valyuta.az Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə miqdar ifadəsi ilə 3 min 149 ton (5,6 %), dəyər ifadəsi ilə 1 milyon 111 ABŞ dolları (6,4 %) çoxdur. 2023-cü ilin yanvar-iyun aylarında Azərbaycan xarici ölkələrdən 56 min 333 ton miqdarında, 17 milyon 485 min ABŞ dolları dəyərində qarğıdalı alıb.

Hesabat dövründə idxal olunan qarğıdalı ümumi idxalın 0,21 faizini təşkil edib.

Əvəz Həsənov