Azərbaycanda bu ilin birinci yarısında tibbi sığorta üzrə 81 milyon 45 min manat sığorta haqqı toplanıb.

Valyuta.az Mərkəzi Banka istinadən xəbər verir ki, bu, 2023-cü ilin yanvar-iyun ayları ilə müqayisədə 0,6 % azdır.

Bu ilin hesabat dövründə tibbi sığorta üzrə ödənişlərin həcmi 45 milyon 059 min manat olub ki, bu da 2023-cü ilin müvafiq dövrü ilə müqayisədə 28,2 % çoxdur.

Bu ilin yanvar-iyun aylarında Azərbaycandakı 17 sığorta şirkətinin xətti ilə 725,162 milyon manat sığorta haqqı toplanılıb. Bu, ötən ilin eyni dövrünə nisbətən 11,7 % çoxdur.

Hesabat dövründə sığorta şirkətlərinin həyata keçirdikləri

 ödənişlərin məbləği isə 356,633 milyon manat təşkil edib. Bu isə illik müqayisədə 58,5 % çoxdur.

6 ay ərzində sığorta bazarında toplanmış hər 100 manat sığorta haqqının 49,2 manatı ödəniş edilib. Ötən ilin eyni dövründə bu göstərici 34,7 manat olub.

Nara