Dünyada artan qlobal istiləşmə müxtəlif yanğınlara səbəb olur. Xüsusi ilə bu dövürdə meşə yanğınlarının sayı da artır. 

Hazırda bir çox ölkə meşə yanğınları ilə mübarizə aparır. Milli Hidrometeorologiya Xidmətinin rəisi Nazim Mahmudov bir neçə gün öncə qarşıdan gələn günlərdə əksər bölgələrdə havanın temperaturunun iqlim normasından yüksək olacağını bildirib. 

Tempraturun artması isə meşələrədə və biçin sahələrində yanğınların baş verməsini aktuallaşdırıb. Bir neçə dövlət qurumu isə artıq bununla bağlı xəbərdarlıq edib. 

Bəs yanğınlardan özümüzü və təbiəti necə qorumaq olar?

Valyuta.az xəbər verir ki, biçin sahələrini yanğından qorumaq üçün  biçindən sonra fermerlər həmin əraziləri yandıraraq təmizləməməlidir. Sahələrə müxtəlif tez alışan maddələr aparmaq olmaz, siqaret kötüklərini sahələrə atmaq olmaz. 

Meşədə yanğınlara yol verilməməsi üçün yanğın təhlükəsizliyi istiqamətində bir sıra qaydalara əməl olunması zəruridir. 

Xüsusi ilə bu dövrdə meşələrə səyahət edən turistlər daha diqqətli olmalıdır. Özləri ilə meşələrə tez alışan maddələr aparmamalı, həmin yerlərdə pikniklər etməkdən çəkinməlidir. 

Tonqallar meşədə yanğınların baş verməsinə şərait yaradan əsas səbəblərdən biridir. Tonqal yandırılarkən bütün təhlükəsizlik qaydalarına əməl etmək vacibdir. Quru ağac kötükləri və quru ot olan ərazidə də od qalamaq olmaz. Tonqal qalamaq üçün əvvəlcədən yer hazırlamaq və yaxud da köhnə, qalanmış tonqalın yerindən istifadə etmək lazımdır. Tonqal heç zaman nəzarətsiz qalmamalıdır. 

Xüsusən də küləkli havada tonqal qalamaq çox təhlükəlidir. Küləkli havada kənara sıçrayan qığılcımlar otun və yarpaqların alışmasına səbəb ola bilər. Çalışmaq lazımdır ki yarpaqları qurumuş budaqlardan istifadə edilməsin, çünki bu zaman qırağa təkcə qığılcımlar deyil yanan yarpaqlar da səpələnə bilər. Ərazini tərk edən zaman tonqalı tam söndürməli, üzərinə su atmalı, sonra isə üstü torpaqla örtülməlidir.

Yanğın təhlükəsi olan meşə sahələri, meşə yolları və digər torpaqlarla həmsərhəd olan sahələr yanğın əleyhinə 2-3 metr enində şumlanmalı, meşənin tör-töküntülərdən təmizlənməsi təmin edilməli, meşənin ərazisində yerləşdirilən hər hansı tikilinin ətrafı 15 metr radiusunda şumlanmalı və ya yanğına qarşı minerallaşdırılmış zolaqlarla təmin edilməlidir.

Davud