Cari ilin ikinci rübündə “Express Bank”ın xalis mənfəəti 6 milyon 19 min manat olub.

Valyuta.az banka istinadən xəbər verir ki, bu, ötən ilin eyni dövrü ilə müqayisədə 301 min manat və ya 4,8 % azdır. Ötən ilin müvafiq dövründə bankın xalis mənfəəti 6 milyon 320 min manat olub.

Hesabat dövründə bankın faiz gəlirləri 32 milyon 185 min manat olub ki, bu da, illik müqayisədə 5 milyon 233 min manat 19,4 % çoxdur. Bankın faiz xərcləri də 1 milyon 782 min manat, yaxud da 25 % artaraq 8 milyon 926 min manat olub.

Cari ilin ikinci rübündə bankın qeyri-faiz gəlirləri 579 min manat və ya 6,3 % artaraq 9 milyon 775 min manat olub. Bankın qeyri-faiz xərcləri 23 milyon 227 min manat olub ki, bu da ötən ilin müvafiq dövrü ilə müqayisədə 2 milyon 609 min manat, yaxud da 12,7 % çoxdur.

Bankın əməliyyat mənfəəti 1 milyon 420 min manat və ya 17 % artaraq 9 milyon 806 min manat olub.

Hesabat dövründə bankın mənfəət vergisi 1 milyon 593 min manat olub ki, bu da keçən ilin müvafiq dövrü ilə müqayisədə 62 min manat, yaxud da 4 % çoxdur.

Əvəz Həsənov