Almaniyanın "Audi" şirkəti iyulun 16-da təqdim olunacaq yeni nəsil A5 modelinin şəklini nümayiş etdirib.

Valyuta.az xəbər verir ki, yeni model barədə "Audi" şirkətinin baş direktoru Gernot Döllner danışıb.

"Yeni "Audi A5" ailəsi dünya premyerasını iyulun 16-da qeyd edəcək. O, həmçinin qismən elektrikləşdirmə sayəsində daha səmərəli olacaq daxili yanma mühərriklərinin yeni nəslini debüt edəcək", deyə şirkət rəsmisi bildirib.

Şəkilə əsasən, avtomobil LED işıqları və yük qapısında böyük bamper və spoyler əldə edəcək. Model haqqında bütün məlumatlar modelin premyerası zamanı ictimaiyyətə açıqlanacaq.

Paşa Məmmədli