Mikroelektronika istehsalçısı "Mikron" şirkətinin baş direktoru Gülnarə Xasyanova yaxın bir neçə ildə Rusiyada çip istehsalının 20% artacağını proqnozlaşdırır. 

Valyuta.az bu barədə TASS-a istinadən xəbər verir.

Xasyanova qeyd edib ki, son vaxtlar Rusiyanın yarımkeçirici bazarında həm texnologiya, həm də idxalı əvəzləmə sahəsində bir sıra dəyişikliklər baş verib. Yaxın gələcəkdə onun artımı təxminən 15% ola bilər.

Bundan əvvəl ABŞ Tayvandan qabaqcıl çiplərin tədarükündən kritik asılılığını etiraf edirdi. Hazırda ABŞ yarımkeçiricilərin 90%-dən çoxunu dünyanın ən böyük elektron çip istehsalçılarından biri olan TSMC-dən alır.

Keçən ay ABŞ prezidenti Co Bayden yarımkeçiricilər də daxil olmaqla, geniş çeşiddə Çin idxalına tarifləri artıran sərəncam imzalayıb.

Paşa Məmmədli