Son illərdə insanabənzər robotlar insanların həyatının müxtəlif sahələrində getdikcə əvəzolunmaz köməkçilərə çevrilir. Onlardan biri, Robot Era tərəfindən hazırlanmış XBot-L, Böyük Çin Səddi boyunca gəzə bildiyi üçün medianın diqqətini çəkib.

Valyuta.az xəbər verir ki, bu barədə “New Atlas” məlumat yayıb.

Tərtibatçılar tərəfindən yayımlanan videoda XBot-L-nin Böyük Çin Səddi boyunca necə inamla hərəkət etdiyini, qeyri-bərabər səthləri keçərək və pillələri qalxdığını göstərir. Unitree-nin H1-i qədər sürətli və ya Boston Dynamics-in Atlası qədər çevik olmasa da, XBot-L heyrətamiz sabitlik və manevr qabiliyyəti nümayiş etdirir.

XBot-L-in uğuru üçün xüsusi əhəmiyyət kəsb edən, robot təlimi zamanı istifadə edilən özəl Perceptive RL texnologiyasıdır. Bu texnologiya ona ətrafını daha yaxşı anlamağa və tanımadığı ərazilərdə qərarlar qəbul etməyə imkan verir. Bunun sayəsində XBot-L getdiyi yolun keyfiyyətini təhlil edə, yerişini vaxtında tənzimləyə bilir.

Robot Era, Pekindəki Tsinqua Universitetinin Fənlərarası İnformasiya Elmləri İnstitutu tərəfindən təsis edilib. Tərtibatçıların XBot-L üçün gələcək planları hələlik məlum deyil, lakin ehtimal ki, onlar ona yeni bacarıqlar öyrətməyə və daha da təkmil humanoid robot yaratmaq üzərində işləməyə davam edəcəklər.

Paşa Məmmədli