Bakının Səbail rayonundakı Xaqani bağının ətrafında Bakı Abadlıq Xidmətinin əməkdaşları yenidənqurma işlərinə başlayıblar.

Valyuta.az-ın məlumatına görə, təhlükəsizliyi təmin etmək məqsədi ilə parka giriş dəmir hasarla bağlanıb.

Yollar parkın ərazisinə əlavə edildikdən sonra burada dekorativ ağaclar və kollar əkiləcək. Bundan sonra insanların rahat istirahəti üçün oturacaqlar və uşaq atraksionları quraşdırılacaq.

Qeyd edək ki, bir müddət öncə Xaqani bağının ətrafı avtomobillər üçün bağlanıb. Həftəsonları və bayram günlərində isə yaxınlıqdakı küçələrdə də avtomobillərin hərəkəti məhdudlaşdırılaraq bu ərazilər də piyadaların istifadəsinə verilib.

Daha ətraflı videomaterialda: