Alba Renai adlı süni intellekt fenomeni məşhur "Survivor" realiti-şousunun ispan versiyasında aparıcı kimi tamaşaçıların qarşısına çıxacaq.

Valyuta.az xarici mediaya istinadən xəbər verir ki, bəzi insanlar süni intellekt texnologiyasının inkişafı ilə işlərini itirməkdən qorxarkən, bu narahatlığı daha da artıracaq bir xəbər diqqəti çəkib.

İspaniyada "Survivor” adlı proqramın xüsusi buraxılışını süni intellekt fenomeni Alba Renai təqdim edəcək.

Xatırladaq ki, süni intellektlə dəstəklənən cəlbedici rəqəmsal fenomen olan Alba Renai ötən ilin sonlarında İspaniyanın Mediaset televiziya nəhənginin törəmə şirkəti olan Be a Lion tərəfindən yaradılmış və qısa zamanda internetdə məşhurlaşdı.

Alba bir neçə saniyə davam edən videosunda tezliklə televiziyaya çıxacağını açıqlasa da, sosial media istifadəçilərindən də reaksiyalar gəlib. Reaksiyalar arasında Albanın süni intellekt botu olduğunu bilməyənlər, həmçinin rəqəmsal avatarın insanların işini əlindən almasından narahat olduğunu bildirənlər də olub.

© Azxeber.com