Cənubi Koreyanın “Samsung” şirkəti 2024-cü ilin mart ayının sonuna kimi doqquz smartfon modeli üçün inteqrasiya olunmuş "Galaxy AI" süni intellekt funksiyaları ilə xüsusi One UI 6.1 qabığının yenilənməsini elan edib. 

Valyuta.az xəbər verir ki, bu barədə “GizmoChina” portalı məlumat yayıb.

Yeniləmə həm bu yaxınlarda buraxılmış flaqmanlara, həm də cari planşet modellərinə, o cümlədən Galaxy S23, S23+, S23 Ultra, S23 FE, Galaxy Z Flip5, Z Fold5 və Galaxy Tab S9, Tab S9+ və Tab S9 Ultra planşetlərinə təsir edəcək.

Əsas yeniliklər arasında inteqrasiya olunmuş süni intellekt "Galaxy AI" var. Bu yeniləmə ilə yuxarıda qeyd olunan cihazların sahibləri "Google"un "Circle to Search" funksiyasına, fotoşəkillərin redaktəsi üçün generativ süni intellektə, ani zənglərin ötürülməsi üçün "Live Translate"ə və qeydlərlə işləmək üçün intellektual köməkçi olan "Note Assist"ə çıxış əldə edəcəklər.

Yaxın gələcəkdə hansı digər cihazların One UI 6.1-ə yenilənəcəyi və "Galaxy AI" dəstəyi alacağı göstərilmir.

Paşa Məmmədli