Valyuta.az xəbər verir ki, mövzuya İqtisadiyyat Nazirliyinin nümayəndəsi Aytən Əhmədova aydınlıq gətirib.

İşğaldan azad olunan ərzilərimizdə investorlar üçün əlverişli investisiya və biznes mühitinin formalaşdırılması məqsədilə zəruri infrastrukturla təmin edilmiş "Ağdam Sənaye Parkı" və “Araz Vadisi İqtisadi Zonası” Sənaye Parkıları yaradılıb. Bu ərazilərdə fəaliyyət göstərən hüquqi və fiziki şəxslər 2023-cü il 1 yanvar tarixindən etibarən 10 il müddətində mənfəət, əmlak, torpaq və sadələşdirilmiş vergidən azaddırlar. Həmçinin texnikanın, texnoloji avadanlıqların və qurğuların, xammal və materialların idxalı, ƏDV və gömrük rüsumundan azad edilib. 

Valyuta.az xəbər verir ki, sahibkarlara dəstək və onların maliyyə əlçatanlığının artırılması üçün güzəştli kreditlər verilir. Bununla yanaşı, sahibkarlar bank və bank olmayan kredit təşkilatlarından əldə etdikləri kreditlər üzrə dövlət zəmanəti və subsidiyadan yararlana bilərlər. Belə ki, bu ərazilərdə investisiya layihəsi həyata keçirən sahibkarların məbləği 5 milyon manatadək, müddəti 7 ilədək və illik faiz dərəcəsi isə 15%-dək olan biznes kreditlərinin 90%-dək hissəsinə dövlət zəmanəti verilir. Həmçinin bu kreditlərin illik faiz dərəcəsinin 10% bəndi 36 aya qədər müddətdə dövlət tərəfindən subsidiyalaşdırılır. 

Sahibkarlar "Elektron hökümət" portalı və Azərbaycan Respublikasının İqtisadiyyat Nazirliyinin tabeliyində Sahibkarlığın İnkişafı Fondunun rəsmi internet səhifəsi üzərindən  elektron kredit və zamanət informasiya sistemində qeydiyyatdan  keçərək mexanizmdən yararlanmaq üçün müraciət edə bilərlər. Eyni zamanda istehsal fəaliyyəti ilə məşğul olan sahibarlara istehlak etdikləri kommunal xidmətlərə görə ödədikləri vəsaitin 20%-i məbləğində maliyyə yardımı ödənilir. 

İnsan kapitalının formalaşdırılması məqsədilə iş yeri işğaldan azad edilmiş ərazilərimizdə olan mütəxəssislər qanunvericikdə nəzərdə tutulan güzəştlərdən və imtiyazlardan istifadə etmək hüququna malikdirlər.