Amerikalı multimilyarder İlon Maskın bir neçə il əvvəl "Tesla" şirkətinin satdığı avtomobillərin bahalaşacağı ilə bağlı proqnozu özünü doğrultmayıb. 

Valyuta.az xəbər verir ki, bu barədə CNN məlumat yayıb.

Mask oxşar proqnozu hələ 2019-cu ildə vermiş və 4 il sonra bunu təkrarlamışdı. Sahibkarın sözlərinə görə, satışdan sonra "Tesla"nın qiymətinin nəinki azalacağı, hətta artacağına səbəb avtomobillərin əhəmiyyətli avtonomiyasıdır. Tam muxtariyyət əldə etmək üçün onlar yalnız bəzi əlavə proqram yeniləmələri və tənzimləyici təsdiq tələb edir.

Buna görə də Mask gələcəkdə işlənmiş "Tesla" avtomobillərinin indikindən 5 dəfə baha olacağını bildirib. Halbuki, bu gün işlənmiş avtomobillər yeni avtomobillərdən qat-qat ucuzdur. Xüsusilə, iki il əvvəl 51 000 dollara alınan avtomobil indi cəmi 22 000 dollara satıla bilər.

"Tesla" məhsullarının qiymətlərinin düşməsi ona gətirib çıxarıb ki, Maskın proqnozlarına inanan və mövcud avtomobillərini mənfəətlə satmaq niyyətində olan "Hertz" avtomobil icarəsi şirkəti indi onların əhəmiyyətli bir hissəsini təcili olaraq satmaq məcburiyyətində qalıb.

Paşa Məmmədli