Çinin "BlackView" şirkəti bu günə qədər ən ucuz qatlanan telefonu - "Hero 10" smartfonunu təqdim edib.

Valyuta.az xəbər verir ki, bu barədə "GizmoChina" portalı məlumat yayıb.

Yeni məhsul 2790x1188 piksel təsvir ölçüsünə və 120 Hz yeniləmə tezliyinə malik 6,9 düymlük qatlanan ekrana malikdir. Cihazın qapağında 60 Hz tezliyə malik əlavə dəyirmi displey də var.

"BlackView Hero 10"un performansı qiyməti 280-300 manat olan smartfonlarda tapıla bilən büdcə "MediaTek Helio G99" çipi ilə idarə olunur. Həmçinin 12 GB RAM və 256 GB daimi yaddaş olduğu bildirilir. Əsas 108 meqapiksellik kamera naməlum sensorla tamamlanır, selfi kamerası isə 32 meqapiksellik təsvir ölçülü sensorla təmsil olunur.

Smartfon eko-dəri korpuslu bir neçə rəngdə olacaq. Cihaz "DokeOS 3.1" qabığı əvvəlcədən quraşdırılmış "Android 13" əməliyyat sistemində işləyir. Kifayət qədər böyük ekrana baxmayaraq, "BlackView" smartfona cəmi 2630 mAh tutumlu batareya yerləşdirib.

"BlackView Hero 10"un qiyməti cəmi 399 avrodur (733 manat). Bu, qatlanan telefon üçün ən aşağı qiymətdir. 

Paşa Məmmədli