“Coca-Cola” şirkəti “spiced” adlı yeni bir dad təqdim edib. Şirkət bildirib ki, içki özündə orijinal kola, moruq və ədviyyatın dadını birləşdirir. Yenilik ABŞ və Kanada mağazalarında 19 fevral tarixindən görünəcək.

“CNN”ə görə, yeni dad iki versiyada – şəkərsiz və klassik olacaq. Qeyd edək ki, indi “Coca-Cola”nın orijinal versiya ilə yanaşı, albalı və vanil növləri də var.

“Coca-Cola”nın marketinq üzrə vitse-prezidenti Sue Lynn Chai televiziya kanalında bildirib ki, yen dad bu içki kateqoriyasındakı tendensiyaya uyğundur və daha cəsarətli və kəskin zövqlər istəyən istehlakçıların seçimlərinə cavab verir.

© Banker