Rəqəmsal marketinq və biznesin inkişafı üzrə menecer Rəqsanə Məmmədova yazır.

Bakıda yeni açılan mağazanın, restoranın, şirniyyat evinin və obyektlərin satışları ilkin aylar artır. Bu 1-2 ay belə davam edir. Növbəti mərhələdə satışlar kəskin azalır. Sonra da korreksiya baş verir və satışlar ya stabilləşir və biznes model uğurlu alınır, ya da ki azala-azala gedir və obyekt bağlanılır. 

İnsanlar test edirlər. Xoşlarına gəlsə, yenə gəlirlər, loyal müştəriyə çevrilirlər. Amma “xoşuna gəlsə” sözünə yalnız məhsulun xüsusiyyətləri deyil, həm də alıcının aldığı emosiyalar aiddir.

Əgər müştəri restoranda ofisiant tərəfindən özünə qarşı kobud rəftar görürsə, onun üçün yeməklərin dadı, restoranın dizaynı ikinci dərəcəli faktor olacaq. Çox güman ki, yemək nə qədər dadlı olsa da, bir də o restorana gəlməyəcək.

Burda önəmli məqam önə çıxır. Müşətrinin loyal alıcıya çevrilməsi üçün, məhsul və xidmətin ikisi də vacib elementdir. Yalnız məhsul satılmamalıdır, həm də servis xidməti yüksək olmalıdır.

Çünki alıcı çoxsaylı rəqiblərin arasında seçim edir, kim ona keyfiyyətli xidmət göstərsə, kimə etibar etsə, ona da səs verir (oxu sifariş edir).